Електрофизиологија

Електрофизиолошката студија е инвазивно испитување со кое се проценува електричната активност и спроводливоста на срцето.
Процедурата се изведува со воведување на специјални електродни катетери преку вените (препони, рака, врат), со кои се снимаат интракардијалните електрични сигнали.

Се користи за:

• лоцирање на изворот на аритмијата

• репродукција на неправилен срцев ритам

• проценка на симптоми како срцебиење, вртоглавица, несвестица

• евалуација на ефикасноста на медикаментозната терапија

Пејсмејкерот е мал електронски уред кој испраќа електрични импулси до срцето со цел да одржи правилен ритам.

Индикации:

• брадикардија (бавен срцев ритам)

• одредени тахикардии кои не се контролираат со лекови

Типови на пејсмејкери:

• еднокоморни

• двокоморни

• бивентрикуларни (CRT)

Процедурата се изведува со локална анестезија и во најголем дел од случаите е без значајни компликации.

CRT терапијата е наменета за пациенти со напредна срцева слабост и електрична асинхронија на коморите.

Имплантацијата овозможува синхронизирана работа на левата и десната комора, што кај значителен број пациенти доведува до:

• подобрување на срцевата функција

• намалување на симптомите

• подобар квалитет на живот

ICD е уред кој автоматски препознава и третира животозагрозувачки аритмии како:

• вентрикуларна тахикардија

• вентрикуларна фибрилација

Начини на делување:

• антитахикарден пејсинг (ATP)

• електричен шок кога е неопходно

Овие уреди значително го намалуваат ризикот од ненадејна срцева смрт.