Инвазивно испитување при кое со специјални електродни катетери се анализира електричниот систем на срцето, со цел да се открие и лоцира причината за аритмијата. Катетрите се внесуваат преку вени во препоните, раката, рамото или вратот и овозможуваат снимање на интракардијален ЕКГ.

Електрофизиолошката студија се користи кај пациенти кај кои симптомите не можат да се објаснат со стандардно ЕКГ или Холтер мониторинг.

Во текот на испитувањето може да се процени дали терапијата со лекови е доволна или е потребна дополнителна интервенција.

Минимално инвазивен третман при кој преку катетер се аплицира топлинска, радиофреквентна или криоенергија, со што се прекинува абнормалниот електричен пат кој ја предизвикува аритмијата. Оваа метода се користи кај атријална фибрилација, атријален флатер, суправентрикуларни и вентрикуларни тахикардии.

Современа технологија која овозможува тродимензионален приказ на електричната активност на срцето и прецизно лоцирање на местото од каде потекнува аритмијата. Со ова се овозможува попрецизна и побезбедна аблација, особено кај сложени аритмии и атријална фибрилација.

Подкожно поставување на мал уред за долготрајно следење на срцевиот ритам кај пациенти кај кои симптомите постојат, но не е регистрирана аритмија на стандардно ЕКГ или Холтер. Уредот континуирано снима и меморира ЕКГ сигнали.

Имплантација на уред кој испраќа електрични импулси и го регулира срцевиот ритам кај пациенти со брадикардија или други нарушувања на спроводниот систем.

Имплантација на бивентрикуларен пејсмејкер кај пациенти со срцева слабост и нарушена синхронизација на срцевите комори. Терапијата овозможува поефикасна работа на срцето и подобрување на симптомите. CRT-D уредите воедно овозможуваат и заштита од опасни аритмии.

Имплантација на уред кој постојано го следи срцевиот ритам и автоматски испорачува електричен импулс или шок доколку се појави животозагрозувачка аритмија, како вентрикуларна тахикардија или вентрикуларна фибрилација.