Во Жан Митрев Клиника знаеме дека квалитетната здравствена грижа не значи само врвна медицина, туку и сигурност, јасни информации, удобност и поддршка во секој чекор од вашиот престој.

Свесни сме дека хоспитализацијата може да предизвика грижа или неизвесност. Затоа нашиот тим е тука да ве води низ целиот процес – од првиот контакт до отпустот и понатамошното следење.

Колку повеќе информации имаме однапред, толку подобро можеме да го организираме вашиот третман.

Ве молиме информирајте нѐ за:

• сите хронични заболувања

• претходни операции или интервенции

• алергии (лекови, храна, латекс и сл.)

• сите лекови кои ги земате (вклучително и суплементи)

• потреба од преведувач или специфична поддршка

Доколку користите приватно здравствено осигурување, потребно е да ги доставите податоците од полисата и однапред да го информирате осигурителот за планираната интервенција.

Во зависност од видот на интервенцијата, може да бидете закажани за предоперативна проценка.

За време на оваа посета:

• се зема детална медицинска анамнеза

• се прават лабораториски анализи

• се спроведуваат дополнителни испитувања (ЕКГ, ехо, рендген и др. по потреба)

Оваа проценка овозможува навремено откривање и стабилизирање на евентуални ризици, со цел интервенцијата да биде безбедна и оптимално испланирана.

Доколку сте закажани за ваква проценка, ве молиме понесете:

• претходни медицински извештаи

• резултати од анализи

• листа со сите лекови што ги земате

Доколку сте закажани за хируршка интервенција:

• Ќе добиете писмени инструкции за видот на анестезија

• Ќе бидете информирани дали е потребно гладување пред процедурата

• Ќе добиете насоки во врска со терапијата што ја користите

Ве молиме строго следете ги упатствата што ќе ги добиете од медицинскиот тим.

• Медицински извештаи, упати и препораки

• Сите актуелни лекови во оригинално пакување

• Удобна облека

• Ноќница или пижами (доколку постои можност за ноќевање)

• Средства за лична хигиена

• Очила (доколку користите)

• Мобилен телефон и полнач

• Потребна документација за административна постапка

• Накит и вредни предмети

• Поголеми суми на готовина

• Непотребни кредитни картички

Секоја соба располага со сеф за чување лични предмети, но препорачуваме да носите само неопходни работи.

На денот на приемот:

1. Јавете се на Инфо пултот за пациенти

2. Ќе се проверат и потврдат вашите лични податоци

3. Ќе потпишете формулар за прием и информирана согласност

4. Ќе бидете придружени до вашата соба

Ве молиме пристигнете во точно определеното време за да обезбедиме непречен тек на приемот.

Откако ќе се сместите:

• Медицинска сестра ќе ги потврди вашите лични и медицински податоци

• Ќе се измери крвен притисок, температура и други витални параметри

• Ќе се потврди времето на интервенцијата

• Ќе се прегледа вашата тековна терапија

Од безбедносни причини, лековите што ги носите нема да се чуваат во собата, туку во соодветно обележан простор и ќе ви бидат вратени при отпуст.

Во текот на вашиот престој ќе добиете:

• Високостручна медицинска грижа

• Континуиран мониторинг според клиничките протоколи

• Поддршка и информации од медицинскиот тим

• Индивидуален пристап во процесот на закрепнување

Нашата цел е не само успешен медицински исход, туку и позитивно и безбедно искуство за секој пациент.

При отпуст ќе добиете:

• Медицински извештај

• Упатства за терапија

• Препораки за контроли

• Насоки за домашно закрепнување

Доколку имате дополнителни прашања по отпустот, нашиот тим ви стои на располагање.