Оддел за предоперативно и постоперативно лекување

Одделот за предоперативно и постоперативно лекување обезбедува континуирана медицинска грижа за пациенти кои се подготвуваат за оперативен третман или се наоѓаат во период на опоравување.

Работата на одделот овозможува координација помеѓу дијагностичките служби, оперативниот блок и интензивната нега, со цел безбеден тек на лекувањето и оптимален исход за пациентот.

Закажи преглед

Во одделот се згрижуваат пациенти со:

Подготовка за оперативен третман

стабилизација и проценка пред интервенција
Ран постоперативен период

следење и поддршка по хируршки зафат
Декомпензирани интернистички состојби

срцева, бубрежна или метаболна нестабилност
Комплексни клинички состојби

потреба од дополнителна дијагностика и дефинирање на терапија
Долготрајно опоравување

пациенти кои бараат продолжена нега и рехабилитација

Во одделот се спроведува континуирана дијагностика, следење и терапија, прилагодена на состојбата и потребите на секој пациент, особено кај пациенти пред и по хируршки интервенции, со хронични заболувања или потреба од продолжена медицинска грижа.

Клиничко следење

24-часовен мониторинг на виталните параметри и општата состојба, вклучувајќи крвен притисок, срцева фреквенција, сатурација, телесна температура, диуреза и невролошки статус. Се следат и симптомите, болката, внесот на течности и напредокот на пациентот во текот на лекувањето.

Кардиолошка дијагностика

ЕКГ, мобилна ехокардиографија и дополнителни кардиолошки испитувања по индикација, кај пациенти со срцеви заболувања, промени во срцевиот ритам, болка во градите или ризик од кардиоваскуларни компликации.

Лабораториски анализи

Редовен мониторинг на крвна слика, воспалителни параметри, електролити, шеќер, бубрежна и црнодробна функција, коагулација и други биохемиски показатели. Овозможуваат навремено откривање на промени и прилагодување на терапијата.

Медикаментозна терапија

Индивидуално прилагоден третман според дијагнозата и клиничката состојба на пациентот. Се применува терапија за стабилизација на срцева, белодробна, метаболна или бубрежна состојба, контрола на болка, инфекции, крвен притисок и други придружни состојби.

Напредни мониторинг системи

континуирано следење на срцевата работа, крвниот притисок, сатурацијата, телесната температура и другите витални параметри, со можност за брза реакција при промена на состојбата.
ЕКГ и мобилна ехокардиографија

овозможуваат брза проценка на срцевиот ритам и функцијата на срцето директно во собата на пациентот, без потреба од транспорт до друг оддел.
Кислородна и неинвазивна респираторна поддршка

системи за кислородна терапија, маски, high-flow кислород и неинвазивна вентилација кај пациенти со респираторни потешкотии.
Инфузиони и шприц пумпи

прецизна апликација на терапија, течности и лекови според потребите на пациентот.
Систем за повикување на персонал

обезбедува постојана достапност и брза реакција на медицинскиот тим во секој момент.
Опрема за рехабилитација

помагала и опрема за рана мобилизација, движење и постепено враќање на функционалноста на пациентот.
Современи болнички соби

соби прилагодени за континуирано следење, комфор и безбедност на пациентите во текот на престојот.